Сёння, у СВЕТЛАЕ СВЯТА ВЯЛІКАДНЯ, удзельнікі народнага вакальнага ансамбля “Славяначка” Сянькоўшчынскага цэнтра культуры правялі абрад “Валачобнікі” па мясцовых традыцыях.
З песнямі, гульнямі ў біткі, пажаданнямі здароўя і дабрабыту валачобнікі абыходзілі сваіх аднавяскоўцаў.
Гаспадары з вялікай радасцю сустракалі валачобны гурт і частавалі іх фарбаванымі яйкамі і велікодным печывам у знак удзячнасці за прыход.
