Маладое пакаленне Слонімшчыны актыўна знаёміцца з элементам нематэрыяльнай культурнай спадчыны Слонімскага раёнаВЯРТАННЕ ДА ВЫТОКАЎ
Сёння ў этнагасцёўню “Каравайніцкая” завіталі вучні пятага і шостага класаў з сярэдняй школы №7 горада Слоніма, каб дакрануцца да спадчыны нашых продкаў.
Удзельніцы народнага фальклорнага калектыву “Чараўніцы-каравайніцы» правялі для дзетак анімацыйную праграму “Цуда-печка”, дзе пазнаёмілі іх з гісторыяй знакамітых паўлаўскіх караваяў, побытам нашых бабуль і дзядуль, здзейсніўшы падарожжа па этнагасцёўні. Запрасілі ўсіх на майстар-клас па вырабе ўпрыгожванняў на каравай “Чароўныя шышачкі”, а таксама згулялі ў традыцыйныя гульні.
Russian
Belarusian
