У рамках рэалізацыі раённага праекта "Культурную Спадчыну продкаў зберагаем разам", майстры Слонімскага аддзела рамёстваў правялі ТРАДЫЦЫЙНЫ КАЛЕЙДАСКОП "Часоў злучная ніць", для дзяцей прышкольнага аздараўленчага лагера "Брыганціна" ДУА "СШ №8". Праграма традыцыйнайнага калейдаскопа была насычанай і разнастайнай. Майстры арганізавалі: выстаўку народнай творчасці "Традыцыі і сучаснасць"; дэманстрацыю відэаролікаў "Рамёствы Слонімшчыны" і "Традыцыі выпечкі караваяў на Слонімшчыне"; правялі майстар-класы па народных мастацкіх рамёствах: ткацтве пояса на настольным лентаткацкім станку – Дзевятчанка В.А.; вырабе абярэгавай лялькі - Пацынка І.М.; выцінанцы - Васюхоўская Ю.Ю.; аплікацыі саломкай - Зелянко А.В., носьбіт беларускіх мастацкіх практык аплікацыі саломкай. З цікавасцю і задавальненнем дзеці далучыліся да традыцыйнай культуры нашых продкаў.
Обновлено 18.06.2024 08:43
"Памяць пакаленняў"
15.06.2024 17:15
Администратор
ЛЮДЗІ. ПАДЗЕІ. ФАКТЫ.
ПА ШЛЯХУ ТВОРЧАСЦІ ДА ПОСПЕХУ
Майстры Слонімскага аддзела рамёстваў і традыцыйнай культуры правялі творчыя майстар-класы па лепцы з салёнага цеста "Летняя фантазія"і аплікацыі саломкай "Памяць пакаленняў" для дзяцей прышкольнага аздараўленчага лагера "Цветик-семицветик" СШ №9 г.Слоніма. Дзеці з задавальненнем, старанна паўтаралі тэхналогію ізгатаўлення творчых работ за вопытнымі майстрамі. І ў выніку карпатлівай працы ў іх атрымаліся цудоўныя вырабы, зробленыя сваімі рукамі.
Обновлено 15.06.2024 17:19
"Ад мінулага да сучаснага"_14.06
15.06.2024 17:10
Администратор
ЛЮДЗІ. ПАДЗЕІ. ФАКТЫ.
ЯДНАЕМСЯ РАМЁСТВАМІ
Для дзяцей прышкольнага аздараўленчага лагера "Созвездие" СШ №10 г.Слоніма спецыялістамі аддзела рамёстваў была праведзена інтэрактыўная праграма "Ад мінулага да сучаснага". Некаторыя экспанаты этнакутка маленькія наведвальнікі бачылі ўпершыню і падчас экскурсіі даведаліся аб прызначэнні старадаўніх прадметаў быту і прылад працы. З вялікай ахвотай дзеці паўдзельнічалі ў майстар-класах па прасаванні саматканага льнянога палатна поцягам, навіванні нітк і на цэўку, убачылі тэхналогію ткацтва на кроснах. Зацікаўленасць таксама вызвалі калекцыі работ сучасных майстроў Слонімшчыны.А весялосці і актыўнасці дзецям дадалі пазнавальныя гульні.
Обновлено 15.06.2024 17:14
"Ад мінулага да сучаснага"_13.06
14.06.2024 09:55
Администратор
ЛЮДЗІ. ПАДЗЕІ. ФАКТЫ
ЯДНАЕМСЯ РАМЁСТВАМІ
Дзеці прышкольнага аздараўленчага лагера "Ластаўка" СШ №7 яшчэ больш даведаліся пра жыццё нашых продкаў падчас наведвання інтэрактыўнай праграмы "Ад мінулага да сучаснага", якая была праведзена спецыялістамі аддзела рамёстваў. Акрамя таго, маленькія наведвальнікі выставачнай залы з вялікай ахвотай паўдзельнічалі ў майстар-класах па прасаванні саматканага льнянога палатна поцягам і навіванні ніткі на цэўку, азнаёміліся з такім няпростым працэсам, як ткацтва на кроснах. Таксама дзяцей уразілі калекцыі работ сучасных майстроў Слонімшчыны. Вырабы такіх накірункаў творчасці, як "ткацтва габеленаў", "роспіс па шкле", "спіральнае пляценне з травы" некаторым давялося бачыць упершыню. Дзеці змаглі не толькі даведацца пра нешта новае, але і прадэманстраваць свае веды аб родным краі падчас пазнавальных гульняў.
Обновлено 14.06.2024 10:00
"Марскія матывы"
13.06.2024 10:31
Администратор
ЛЮДЗІ. ПАДЗЕІ. ФАКТЫ.
ПА ШЛЯХУ ТВОРЧАСЦІ ДА ПОСПЕХУ
Дзеці прышкольнага аздараўленчага лагера "Цветик-семицветик" СШ №9 г. Слоніма паспрабавалі сябе ў такім відзе творчасці, як цестапластыка: з дапамогай спецыялістаў Слонімскага аддзела рамёстваў яны зрабілі кампазіцыю "Марскія матывы". Вынікам стараннай працы юных майстроў сталі фантазійныя міні-пано з салёнага цеста, якія паслужаць цудоўным упрыгожваннем, або сувенірам для блізкіх.
Люди. События. Факты
Russian
Belarusian
